Cyngor ariannol annibynnol, cyfrinachol a diduedd
Atebion i gwestiynau cyffredin am ddefnyddio’r Rhwydwaith Cynghorwyr Arian i elwa o wasanaeth cynghori ariannol cyflym a hawdd, am ddim, y gallwch ymddiried ynddo.
Gwella eich lles
Gall pryderon ariannol gymryd dros eich bywyd ac effeithio’n ddifrifol ar eich iechyd meddwl a'ch perthnasoedd.
Mae’r rhan fwyaf o bobl sydd wedi cael cyngor yn dweud wrthym eu bod yn teimlo llai o straen neu bryder, ac yn gallu rheoli eu bywyd eto.
Help cyflym a hawdd
Byddwn yn eich rhoi chi mewn cysylltiad â darparwr cyngor ariannol cymwys a rheoledig fel y gallwch fynd yn ôl ar y trywydd iawn.
Mae defnyddio’r Rhwydwaith Cynghorwyr Arian yn golygu y gallwn leihau eich amser aros ar gyfer cael yr help cywir yn gyflym. Hefyd, ni fydd angen i chi dalu am y cyngor rydych yn ei gael.
Beth yw’r Rhwydwaith Cynghorwyr Arian?
Mae’r Rhwydwaith Cynghorwyr Arian yn beilot sy’n canolbwyntio ar dechnoleg i symleiddio sut mae pobl yn cael mynediad ac yn profi’r daith cyngor ar ddyledion wrth gynyddu effeithlonrwydd er mwyn ein galluogi i helpu mwy o’r rhai sydd mewn angen i dderbyn cyngor ar ddyledion am ddim.
Fe’i cyflwynir mewn cydweithrediad â’r partneriaid canlynol a bydd eich gwybodaeth lle bo angen, yn cael ei rhannu a’i phrosesu gan y canlynol:
- Cyngor ar BopethYn agor mewn ffenestr newydd
- Money Advice TrustYn agor mewn ffenestr newydd
- Greater Merseyside Money Advice PartnershipYn agor mewn ffenestr newydd
- East Midlands Money Advice PartnershipYn agor mewn ffenestr newydd
- Money WellnessYn agor mewn ffenestr newydd
- Debt Free AdviceYn agor mewn ffenestr newydd
- Debt Advice FoundationYn agor mewn ffenestr newydd.
Pam fod angen y Rhwydwaith Cynghorwyr Arian?
Mae tua 9 miliwn o oedolion sydd â gormod o ddyled yn y DU (17.2% o’r boblogaeth oedolion) – o’r rheiny mae 5.3 miliwn angen cyngor ar ddyledion ond dim ond 32% sydd wedi, neu sydd yn gofyn am gyngor. Rhoddodd Adolygiad Annibynnol Wyman y bwlch rhwng cyflenwi a’r gofyn am gyngor ar ddyledion tua 600,000 o bobl y flwyddyn.
Mewn cydweithrediad â’r sector, rydym am fynd i’r afael â hyn a chefnogi’n well y nifer cynyddol o bobl yn y DU sy’n cael trafferth gyda phroblemau dyled drwy:
- Helpu mwy o bobl cyn gynted â phosibl trwy daith effeithlon ac effeithiol i gleientiaid.
- Deall effaith a meithrin gwelliant ym mhob cam o daith y cleient.
- Datblygu a gweithredu model ariannu cynaliadwy sy’n cymell y canlyniadau gorau posibl i gleientiaid ac sy'n annog cydweithrediad ar draws darparwyr cyngor.
- Adeiladu gwelliannau mewn ansawdd, cysondeb a phrofiad cleientiaid ym mhob agwedd ar asiantaeth gynghori ac ymarfer credydwyr.
- Adeiladu cyngor ar ddyledion fel proffesiwn apelgar, uchelgeisiol.
Cwestiynau cyffredin
Beth mae cyngor ar ddyledion yn ei olygu?
Byddwch yn cael cyfle i drafod eich sefyllfa gyda darparwr cyngor ar ddyledion i ddeall eich opsiynau. Unwaith y byddwch wedi darparu eich gwybodaeth ariannol cyn belled ag y bo modd ac rydym wedi deall beth yw eich amgylchiadau presennol, byddwn yn eich helpu i nodi beth yw'r camau nesaf cywir i chi.
Byddwch yn rheoli pob cam o’r ffordd ac, os byddwch yn siarad ag ymgynghorydd ar unrhyw adeg, byddant bob amser yn gwirio eich bod yn deall yr hyn y maent wedi’i ddweud ac yn cytuno â chi beth fydd yn digwydd nesaf.
Pa wybodaeth fydd angen i mi ei darparu?
Bydd angen i chi egluro’ch amgylchiadau personol yn fanwl – er bod hyn yn gallu bod yn anghyfforddus mae angen i ni sicrhau bod ein cyngor yn iawn i chi yn y tymor hir. Efallai y bydd opsiynau ar sut rydych chi'n darparu peth o’ch gwybodaeth ariannol gan gynnwys trwy fancio agored.
Pa opsiynau i ddatrys dyledion fydd ar gael i mi?
Mae yna lawer o ddatrysiadau dyled ar gael felly bydd yr hyn sy’n iawn i chi bob amser yn dibynnu ar eich amgylchiadau personol. P'un a fyddech chi’n elwa o Gynllun Rheoli Dyledion (DMP), Gorchymyn Rhyddhau o Ddyled (DRO), Trefniant Gwirfoddol Unigol (IVA), methdaliad neu ateb llai adnabyddus arall o bosibl, bydd ein cynghorwyr yn gallu nodi'r cymorth cywir i chi'n uniongyrchol.
Gallant hefyd eich atgyfeirio at ddarparwr datrysiadau arall a all eich helpu i gymryd y cam olaf hwnnw tuag at ddod yn rhydd o ddyledion.
A fydd cyngor ar ddyledion yn effeithio ar fy sgôr credyd?
Ni fydd cael cyngor ar ddyledion yn effeithio ar eich sgôr credyd. Oherwydd y gall rhai atebion dyled effeithio ar eich sgôr credyd, byddwn bob amser yn dweud hyn wrthych yn glir cyn i chi benderfynu a ddylid ei dderbyn.
Rwyf wedi cael fy nghyfeirio atoch gan rywun rydw i’n ddyledus iddynt - a ydych yn annibynnol?
Ydyn, mae aelodau o'n rhwydwaith a’u cynghorwyr yn cael eu rheoleiddio gan yr Awdurdod Ymddygiad Ariannol sy’n golygu bod yn rhaid iddynt gynnig cyngor llawn i chi a gweithredu er eich lles bob amser.
A allaf golli fy nghartref neu eiddo arall?
Gall hyn fod yn risg i rai pobl, ond gallech osgoi hyn rhag digwydd os ydych yn cael cyngor ar ddyledion.
Gall ymgynghorydd dyledion eich helpu i drafod gyda’r bobl y mae arnoch arian iddynt, gall ystyried beth yw eich nodau, a bydd bob amser yn eich helpu i ddeall a gorfodi eich hawliau yn yr amgylchiadau anodd hyn.
Nid yw byth yn rhy hwyr i gael cyngor ar ddyledion ond fel arfer bydd gennych fwy o opsiynau cyn gynted ag y byddwch yn ceisio mynd i’r afael â’r broblem.
A fydd yn rhaid i mi dalu am y gwasanaeth?
Na, bydd ein cyngor bob amser yn cael ei ddarparu am ddim. Os oes costau yn ddiweddarach yn gysylltiedig â’r datrysiad dyledion fyddwch yn ei ddewis, yna bydd y rhain yn cael eu hesbonio’n llawn i chi cyn i chi wneud y penderfyniad i’w dderbyn.
A yw’n wasanaeth o safon?
Ydy, mae aelodau o’n rhwydwaith a’u cynghorwyr yn cael eu rheoleiddio gan yr Awdurdod Ymddygiad Ariannol (FCA) sy’n golygu bod yn rhaid iddynt gynnig cyngor llawn i chi a gweithredu er eich lles bob amser.
Mae cyngor a systemau yn destun sicrwydd ansawdd llym sy’n golygu y gallwch fod yn hyderus yn y cyngor a roddir.
Beth os ydw i’n ofni y byddaf yn cael fy marnu?
Mae llawer o bobl yn teimlo fel hyn cyn siarad ag ymgynghorydd dyledion. Mae gan dros wyth miliwn o bobl yn y DU anawsterau ariannol ac mae ein gwasanaethau cyngor ar ddyledion yn cefnogi miloedd lawer o bobl bob blwyddyn. Gallwch fod yn hyderus na fydd ein ymgynghorwyr dyled byth yn eich barnu nac yn gwneud i chi deimlo’n ddrwg am eich sefyllfa. Byddant bob amser yn hapus i siarad â chi, waeth pa mor fawr neu fach y gallai eich problem fod.
Gallant ddod o hyd i ffyrdd o reoli eich dyledion hyd yn oed os ydych yn meddwl nad oes gennych arian sbâr. Byddant hefyd yn gallu awgrymu ffyrdd o ddelio â dyledion nad ydych efallai’n gwybod amdanynt eisoes. Mae’r rhan fwyaf o bobl sydd wedi cael cyngor ar ddyledion yn dweud wrthym eu bod yn teimlo dan lai o straen neu’n bryderus ac yn gallu rheoli eu bywyd eto.
Mae angen help arnaf hefyd gyda materion eraill (e.e. budd-daliadau, tai) - a allant helpu gyda’r rheini?
Na, ond gallwn eich atgyfeirio’n syth at rywun sy’n gallu. Yn anaml, ym mhrofiad ein cleient y daw problemau dyled ar eu pen eu hunain. Yn aml mae dyled yn digwydd oherwydd newid mewn amgylchiadau a gall hefyd achosi problemau eraill yr hiraf y mae'n digwydd.
Mae ein ymgynghorwyr yn arbenigwyr ar ddyledion felly os na allwn helpu drwy’r broses cyngor ar ddyledion yna byddwn yn aml yn gallu eich atgyfeirio at ffynonellau eraill o wybodaeth a chymorth.
Beth os nad ydw i’n teimlo’n barod i fynd i’r afael â fy mhroblemau dyled eto?
Gallwch ddychwelyd i gael cyngor ar ddyledion ar-lein trwy’r ddolen ar y dudalen hon ar unrhyw adeg yn y dyfodol, ddydd neu nos. Neu, pan fyddwch chi’n barod, gallwch chwilio am fanylion cyngor ar ddyledion am ddim ar-lein – gyda llawer o wasanaethau cynghori am ddim ar gael ledled y DU, gallwch ddod o hyd i help mewn ffordd sydd orau i chi.
Eich data a’ch preifatrwydd
Mae eich preifatrwydd yn bwysig iawn i ni. Nid ydym yn trosglwyddo eich manylion i unrhyw un y tu allan i'n rhwydwaith.
Darllenwch ein polisi preifatrwyddYn agor mewn ffenestr newydd.